兵工廠14億儲備 夠搶拿維斯

猪拉多纳

03/03/2012


阿仙奴早幾日公布最新財政報告，球隊稅前利潤近半億鎊，現金儲備為1.152億鎊（約14億港元），當中已計入出售拿斯尼及法比加斯嘅金額，儲備相當豐厚。




2.5億身價冇有怕




領隊雲格絕對有足夠本錢於今夏購入大牌球星，拿玻里前鋒拿維斯就係雲格頭號目標，相信價錢唔會少於2,000萬鎊（約2億4,700萬港元）。




由於拿維斯女伴曾於那不勒斯遇劫，曾要求男友盡快轉會離開意大利，相信拿維斯都願意轉戰英超，不過基於曼城及車路士都對拿維斯有興趣，阿仙奴要成功搶人，一定冇得再慳。