傻豹食過翻尋味

猪拉多纳

03/03/2012
文： 巨高

衞冕意甲冠軍嘅ＡＣ米蘭，本周將南下西西里島對戰「傻豹」巴勒莫。ＡＣ受嚴重傷患問題所困擾，戰鬥力一定受影響，今場作客讓唔起巴勒莫。尤其巴勒莫打主場波特別醒神，今場有望令ＡＣ失分，巨高大力推介1.92倍「讓球主勝」。




(now 633周日凌晨１時直播)




其實傷兵問題已經困擾ＡＣ一段時間，無奈情況冇改善之餘，最近仲有惡化迹象。先講後防，中堅麥薩斯停賽三場而尼斯達又因傷缺陣，教練阿里基好可能要用邦利拿頂上。邦利拿効力帕爾馬及布雷西亞時演出都唔錯，但踢大球會就錯漏百出，今場必成ＡＣ後防嘅計時炸彈。


巴勒莫老細喜鋤強自吹


另外中場奇雲保定、施多夫及阿古蘭尼仍要繼續養傷，球隊創造力大打折扣，縱然伊巴謙莫域聯賽「放波監」，但缺乏中場支援下，侵略性亦會相應降低。ＡＣ整體評級因傷兵問題而大幅下調，讓波唔抵玩。




巴勒莫老闆森柏連尼好大喜功，每次砌低強隊之後，總會喺公開場合自吹自擂。喺佢領導之下，巴勒莫變成一支專打老虎嘅球隊，就以今場對手ＡＣ為例，巴勒莫近五次主場都能夠擊敗「紅黑兵團」。




巴勒莫有強勁數據支持，今場冇理由唔捧，而且巴勒莫一對前鋒米高利及保丹近期狀態托弗，面對殘陣嘅ＡＣ搵入波應該冇難度。