水手騷哥利大起悉尼

猪拉多纳

03/03/2012
文： Mic少

今日下午有兩場澳職，當中以中岸水手主場對FC悉尼最具睇頭，澳職已進入大直路，雙方目標鮮明，主隊要爭常規賽冠軍，客軍則要搶季後賽資格，兩隊餘下四輪聯賽應會場場搏盡，Mic少預料今仗兩軍會互相搏拳，入球大值得一試。




（有線64及204台周六下午4時45分直播）




中岸水手近況麻麻，原本喺聯賽嘅大好形勢已蕩然無存，咁又好難怪，人始終有惰性，領先太多難免會令球員鬆懈，依家爭標形勢變得緊張，反而會迫使水手重新發力。事實上，球隊今季能夠長期位居榜首，證明實力深厚，只要重拾鬥心應可踢出上半季超卓水準。水手經過連續兩場作客失分後，今仗主場出擊，必然搶攻求勝。


FC悉尼作客照攻


至於FC悉尼為爭取季後賽入場券，近期表現積極，早前曾擊敗前列球隊珀斯光輝取得兩連勝，上仗輸波只屬短暫回氣，而且該場敗仗亦令FC悉尼再冇失分空間，作客都唔會退縮。不過FC悉尼已連續十三場聯賽有失波，搶攻難免令後防更空虛，更有利今場開大。