巴塞細盤有杭 美斯停賽 主力叉電

猪拉多纳

03/03/2012
文： 法達斯維

今晚西甲巴塞隆拿主場迎戰希杭，由於巴塞已落後榜首皇馬十分，美斯又停賽，並有歐聯後顧之憂，加上希杭為護級一定搏命死守，今場大細中位數調升至3.5球，誠意推介有1.95倍嘅入球細。




（now 632周日凌晨3時直播）




巴塞球星如雲，但無論是一眾西班牙國腳，抑或美斯、馬斯真蘭奴及艾比度等，周中都被國家隊徵召服役，變相缺少休息時間，該隊仍有韋拿、阿費利、柏度洛迪古斯倦勤，「地上最強」可謂疲於奔命。另外，教練哥迪奧拿的續約問題懸而未決，而他與碧基不和傳聞甚囂塵上，難免影響整隊軍心，加上下周中要應付歐聯十六強次回合，相信巴塞留力亦人之常情。




況且，哥帥表明聯賽落後宿敵皇馬太多，對爭標已打定輸數，故此巴塞已將目標放在西班牙盃及歐聯身上，球隊現時傷兵滿營，哥帥或許會讓一眾主力抖抖。記得之前主場對弱旅桑坦德，巴塞同時派出艾錫古恩卡、基斯甸泰路、堤亞高艾簡達拿等青年軍擔正，由於今仗美斯停賽，相信哥迪奧拿會重用上述新丁，令巴塞攻力大為削弱。


希杭死守少大敗


當然希杭近況亦欠佳，但要留意該隊近年於魯營失波不算多，以中位數3.5球計，希杭近六次作客巴塞兩大四細，表現頑強。希軍自知鋒力欠銳，現距排聯賽尾四嘅維拉利爾六分，護級尚未絕望，今仗必拚命死守，面對主場僅失六球、但缺少美斯的巴塞，預計希杭小敗而回。若巴塞早段入波，不妨即場追多注入球細。