作客衰到貼地冇得受讓 貝迪斯蠱惑謀利

猪拉多纳

05/03/2012
文： 法比加輝

今輪最後一場西甲利雲特主場對貝迪斯，莊家開出平手盤口有蠱惑！貝迪斯一向不擅作客，近十場作客輸八場，往績亦「大落後」，近六次對賽輸四場，所有不利數據集一身，但今回竟然作客冇得受讓，莊家開平手盤，擺明有鬼，加輝建議捧貝迪斯。




（周二凌晨4時開賽）




雖則話利雲特近況差，歇冬後起勢失分，但「利記」上場已經解除不勝魔咒，作客贏咗愛斯賓奴，照道理球員士氣已有好轉，再者利雲特一向靠主場搵食，今季主場聯賽六勝三和三負，不敗率有成七成半，對住隻作客十二場輸八場嘅貝迪斯，點計都要讓波。


利雲特表面數據贏晒


睇埋往績，利雲特近六次主場對賽四勝一和一負，簡單嚟講即係食住貝迪斯，加上主場之利、排名又較高，平手盤會唔會筍咗啲呀？買主隊要三思。




完成今輪西甲後，加輝就要暫別《東方波經》，在此多謝讀者們多年來支持，無言感激！