地上最強組合解讀法達斯維

猪拉多纳

05/03/2012
文： 麥馬拿仁

仁：麥馬拿仁　維﹕法達斯維




仁：歡迎新名家法達斯維加入《東方波經》大家庭，當然第一時間請你講波經。聽聞你筆名，內裏有好大含義喎！




維﹕其實我個名係選中巴塞隆拿嘅法比加斯、恩尼斯達、美斯及沙維所組成，因為佢哋就係地上最強。




仁：犀利！聽講你愛隊係德國，對德甲亦好有認識，拜仁剛於聯賽輸波，未來你點睇佢哋爭霸機會，投X方面又有咩要留意？




維﹕情況非常悲觀。主帥軒歷基斯排陣實在太保守呆板，陣中士氣又麻麻，加上中場主將舒韋恩史迪加仍未復出，現已落後多蒙特七分，看來會將重心放喺歐聯，如果遇到佢哋歐聯前嘅作客聯賽，不妨反拜仁。




仁：拜仁名氣大，讓波例牌讓得辣，歐聯一日未出局都捧唔過。多蒙特又點睇？

維﹕多蒙特優勢在於可專心聯賽，這正是拜仁嘅劣勢。特別係馬里奧葛斯、基爾、施雲賓達都要養傷，仲要冇亂使錢買人嘅情況下，近況依然勇銳，所以我非常睇好佢哋今屆可以蟬聯聯賽冠軍。

緬恩斯史特加大盤要追

仁：投X方面，德甲一向多「大」波，但目前「大王」史浩克04走勢有放緩迹象，而弗賴堡係「開大專家」亦通晒天，我認為可以多留意緬恩斯。歇冬後借入穆罕默德施丹後，班波即刻升呢，打法只會愈來愈有侵略性，更利開大。

維﹕其實史特加亦不容忽視。自從拉巴迪亞上任後，史軍貫徹全民皆攻風格，歇冬時仲加入賀芬咸射手伊比斯域，配合岡崎慎司、古斯曼奴域、夏歷後上入楔，搞到連卡卡奧都冇正選，火力咁勁開大話咁易！