賓菲加攻得陷辛尼特

猪拉多纳

06/03/2012
文： 巨高

另一場歐聯十六強次回合，葡萄牙賓菲加主場對俄羅斯辛尼特，首回合辛尼特憑地利以三比二險勝賓菲加，今次輪到辛尼特作客，形勢必一百八十度大逆轉，賓菲加質素稍高，主W值得捧場。




（有線62及202台周三凌晨3時45分直播）




賓菲加主場有保證，近十九次歐洲賽主場取得十五勝，當中只曾一敗。除有強烈數據支持外，賓菲加球員亦好需要一場勝利恢復信心，事關上仗「葡超打吡」，賓菲加主場二比三不敵波圖，教練謝素斯話當日全失三分好唔抵，相信球員會將呢股怨氣轉化為爭勝推動力，喺歐聯大爆發。


辛尼特抖少日蝕章


辛尼特首回合險勝，教練史巴列堤都話有運，今次作客葡萄牙，辛尼特目標一定想好似分組賽作客波圖咁守和○比○，但當日波圖錯失多個黃金機會，相信辛尼特唔會再咁好彩。最近俄羅斯足總唔肯合作，亦打亂辛尼特部署，事關上周末俄超辛尼特作客莫斯科中央陸軍前，辛尼特曾去信要求足總將比賽提前舉行，以便球員有更多時間準備歐聯，點知足總唔騷佢，搞到辛尼特惡戰完陸軍後，即要趕赴葡萄牙，休息時間較少下自然蝕底。