車仔立立亂 「阿伯」長人撐腰冇有怕

猪拉多纳

06/03/2012
文： 朱楓

低處未算低！雖然車路士啱啱炒咗保亞斯，今晚喺足總盃16強重賽作客英冠伯明翰，有看守領隊迪馬堤奧首度領軍，但其實隊波仍然係一團糟，對住有施積復出擔正嘅「阿伯」，真係隨時被轟散，藍戰士讓1球朱楓捧硬2.15倍「讓球主勝」！（now671、672台周三凌晨3:45直播）


伯明翰施積復出攻堅


老實講，車路士日前炒咗保亞斯一啲都唔令朱楓意外，只係估唔到冇炒助教迪馬堤奧，仲提升佢做看守領隊至今季尾。始終佢係保亞斯嘅人，所以至今都冇車仔球員走出嚟撐佢，連紐卡素領隊柏杜都乘機抽水，話車路士一班球星應該向保亞斯道歉。其實藍戰士家陣真係亂晒龍，盛傳曼城仲趁火打劫，想簽番近日被車仔投閒置散嘅前鋒史杜列治，其他球員聽到，難免都有想跳船心態出現。




伯明翰近2場聯賽主場出擊都失分，但佢哋之前好歹都作客逼和車路士，今晚主場出擊，仲好大機會有長人中鋒施積重返正選陣容，加上愛爾蘭國腳中場基夫法希爾休息一場後，多數可以傷愈復出，依家只得右閘卡爾一名傷兵，就算啱啱因為冇依時向英國聯賽部門提交財政報告、被禁買人，對住亂爆嘅車路士，朱楓保守估計「阿伯」喺法定時間都至少唔使輸波。




足總盃賽制：




今輪為16強重賽，若在90分鐘內打成平手，則需加時30分鐘，若加時仍未分出勝負，則互射12碼決勝。