飛腳解放遠藤「大」有睇頭

猪拉多纳

06/03/2012
文： 走肖

亞冠盃分組賽今日開打！E組有重量級「日韓對決」上演，由08年盟主大阪飛腳主場對09年冠軍浦項制鐵，呢場波係飛腳新教練施拉奧上任後首次領軍，佢話會解放「司令塔」遠藤保仁，安排佢踢進攻中場AMF，繼續喪攻要捧1.68倍入球大。（now671台周二晚6:00直播）




上季飛腳喺聯賽得第3名，教練西野朗無奈離隊，新帥施拉奧講明唔會改變飛腳「超攻擊」踢法，仲話會安排喺日本國家隊愈墮愈後嘅遠藤保仁，踢番最擅長嘅進攻中場。既然換咗成14個球員嘅飛腳，有FC首爾前鋒李昇烈同甲府風林射手保連奴奧利華拉加盟，咁多進攻武器，就算前鋒李根鎬同平井將生離隊都唔憂冇波入。


浦項新簽射手有料到


對手浦項嘅主帥黃善洪係南韓02年世盃殿軍成員，佢哋喺資格賽以2:0解決春武里，證明狀態對辦，即使日前喺韓職開咧戰以0:1不敵蔚山現代，都唔驚佢哋會前線死火，特別係浦項新簽嘅羅馬尼亞前鋒施古，佢効力添美索亞拿同索菲亞中央陸軍時入球率勁高，有佢拍住加納仔戴歷艾沙姆同飛腳駁火，入球騷唔難開。


亞冠盃賽制：


32隊分8組進行雙循環分組賽，每組首、次名躋身16強淘汰賽。


周二第1口孖膽推介


關次 對賽隊伍 賽事 半場/全場




一 大阪飛腳 Vs 浦項制鐵 亞冠盃 0:0、1:0、0:1/1:1、2:1、2:2

二 蔚山現代 Vs FC北京 亞冠盃 0:0、1:0、0:1/0:0、1:0、1:1

截止受注時間：3月6日晚6:00 推介：朱楓