里昂作客讓波尼譜

猪拉多纳

07/03/2012
文： 笛子波童

另一場十六強次回合，塞浦路斯尼科西亞主場鬥法國里昂，尼科西亞出線未絕望，今場有主場之利一定大舉反擊。里昂今季作客冇料到，更何況佢哋今場只要和波便可晉級，客軍讓平半必取下盤。




（有線62及202台周四凌晨3時45分直播）


尼科西亞主場勁


尼科西亞首回合作客輸○比一，想晉級八強今場非勝不可，佢哋今屆分組賽曾於主場擊敗兩支前度歐霸盃盟主辛尼特及波圖，就算最終未能收復失地，亦有一定本錢強攻對手。里昂今季無論於歐洲賽或本土作客成績都唔合格，分組賽只贏過六戰全敗嘅魚腩薩格勒布戴拿模，十四場聯賽僅得四勝兩和八負，勝率不足三成，好似佢哋上周末聯賽作客護級隊伍南錫，主力包括利辛度盧比斯、米高巴斯圖斯、干拿倫斯都有上陣，結果卻淨吞兩蛋而回，表現有幾曳大家有眼睇。




里昂目前一球在手，唔輸固然可晉級，一旦佢哋攞到作客入球，甚至輸波都有機會打入八強，所以論求勝決心一定唔及主隊，尼科西亞受讓平半好抵玩。