博洛「+1」攔途截劫

猪拉多纳

07/03/2012
文： 巨高

早前因天氣關係，有三場意甲延至本周中舉行，其中爭標要角祖雲達斯將作客博洛尼亞。雖然「斑馬兵團」聯賽保持不敗，但其實和波次數都幾多，情況以作客尤其嚴重。博洛尼亞近期有料到，九戰四勝四和僅一敗，絕對有能力喺祖記身上取分，博洛尼亞受讓可捧「讓球主勝」。




（now 633及660周四凌晨1時30分直播）




博洛尼亞目前距護級安全線只多區區六分，今場當然唔會放鬆。事實上，博洛自歇冬後只輸過畀烏甸尼斯，其餘比賽皆有分落袋，演出比起上半季有明顯進步。既然近期博洛曾成功擊倒國際米蘭及費倫天拿等名牌，面對祖雲達斯梗係冇有怕，受讓冇理由唔揀。


曾被放逐耿耿於懷


另外，博洛尼亞前鋒迪華奧對今場比賽相當重視，希望以入球「回敬」祖雲達斯。迪華奧於○二至○四球季曾効力過祖記，更協助「斑馬兵團」贏得聯賽及意超盃冠軍，演出比起迪比亞路好得多，無奈佢點叻都爭唔到正選，仲畀球隊放逐到西班牙，故迪華奧對祖記及迪比亞路皆恨之入骨，更公開批評祖雲達斯對迪比亞路溺愛超錯，累到其他好球員冇啖好食，今場勢必以入球，向舊會發洩不滿。


祖記雙中堅倦勤


祖雲達斯賽前傳出壞消息，一對中堅基亞連尼及巴沙利都因傷缺陣，防守力肯定打折扣。況且今季祖記喺主場兩鬥博洛尼亞都贏唔到，作客更難睇好，2.10倍「讓球主勝」揸得過。