熱刺躁躁哋玩大佢！

猪拉多纳

07/03/2012
文： 蘇豪

英格蘭足總盃第五圈重賽，英超大軍熱刺主場迎戰英甲球隊史提芬納治，熱刺近兩場輸到一肚火，實想搵史提芬納治出氣，但球隊防線穿窿近兩場失八球，今仗亦難保不失，預期兩隊會上演入球騷，大細中位數改成3.5球，捧大！（now 671及672周四凌晨3時30分直播）




熱刺連續兩場英超輸波，前仗對死敵阿仙奴贏住兩球反輸二比五，上場對剋星曼聯贏形勢又輸一比三，全軍上下慶到出晒煙。眼見球隊兩戰勁失八粒，後防大將京治忍唔住插隊友唔集中，仲叫隊友咪再發夢，講到自己好似冇份咁！玻璃腳京治唔襟捱，今仗料會避戰，中堅位置會由賴恩尼爾遜或戴臣頂上，前者老到跑唔郁，後者雪到硬晒軚，同樣信唔過。




熱刺季內主要目標係喺聯賽保住歐聯席位，盃賽場合未必會精銳盡出，況且今場對手只屬英甲球隊史提芬納治，殺雞使乜用牛刀吖！熱刺後備攻擊球員卡蘭積卡、杜斯山度士及迪科爾等都有質素，後者上仗對「紅魔鬼」後備落場都有士哥，今次遇上弱旅會落力爭取表現，唔會揸流攤。




史提芬納治鬥攻輸蝕




史提芬納治上次主場出戰同熱刺互交白卷，今場作客都會沿用相同打法，趁對手防線甩甩漏漏，甚至有能力突擊取得士哥。不過，大軍質素始終唔及對手，作客捱打頂唔到幾耐，隨時大敗收場，大盤分頭唔錯，值得一試。