帕爾馬有危先有機

猪拉多纳

07/03/2012
文： Samvo肥叔

今晚意甲賽事帕爾馬主場對「柴百合」費倫天拿，帕爾馬唔覺唔覺已經跌至護級漩渦，形勢危危乎，不過，呢班波本身班底唔曳，之前懶懶閒頻頻失分，依家水浸眼眉唔敢掉以輕心，對住費倫讓平半合理，捧帕爾馬啦！




（周四凌晨1時30分開賽）




帕爾馬向來係意甲護級專家，每季去到適當時候就會發力搶分，球隊近期戰績麻麻，現時已經跌至尾四，只領先尾三萊切四分，一個唔覺意再失分，分分鐘搞到降班收場。不過，帕爾馬人腳唔曳，而且主場甚具威力，早前曾經賽和勁旅祖雲達斯，費倫作客例牌走樣，今場受讓都信唔過。




韋斯咸超班唔怕屈




同日英冠賽事韋斯咸主場對屈福特，捧主隊！肥叔唔止一次推介韋斯咸，以呢班波人腳，踢英冠根本係大超班，升班只係時間問題，上場佢哋作客實力分子卡迪夫城照贏，今次對住下游球隊屈福特，目前讓到一球，個盤好硬淨，飛數對辦，預期都可順利再贏，一於繼續追韋斯咸！




（周四凌晨3時45分開賽）

同日仲有唔少亞冠盃賽事，依家啱啱展開分組賽，加上部分聯賽未開咧，局勢未明，實在有太多變數，絕對唔適宜貿貿然搏殺，大家都係觀望為宜，肥叔亦唔作推介。

肥叔心水

帕爾馬 上盤

尼科西亞 下盤

利華古遜 下盤、大

韋斯咸 上盤