白禮頓做卡城細界

猪拉多纳

07/03/2012
文： 麥馬拿仁

明日凌晨續有兩場「英冠快車」，其中白禮頓主場鬥卡迪夫城捧細盤。「海鷗」白禮頓打法保守，主場出擊撼勁旅多悶戰，近期對李斯特城、紐卡素、韋斯咸、侯城均開細盤。「卡城」頻撲攰到爆，作客攞一分都收貨，要入波都有難度，細盤有1.65倍玩得過。（周四凌晨3時45分開賽）




「海鷗」今季異軍突起，剛升上英冠就打上前列，領隊普耶功不可沒。此名前車路士中場硬漢，特別注重球隊防務，主要打穩守突擊，並靠馬卡爾史密夫爭取士哥。「海鷗」主場遇強，通常戰情緊湊少波入，今仗相信唔會例外。




「卡城」喺英聯盃決賽火併利物浦打足百二分鐘仲射輸十二碼，之後部分球員又要踢國際賽，上輪英冠鬥韋斯咸淨輸○比二，今次元氣未復肯定唔敢冒進，揀細最啱。


韋斯咸大勇「屈」機


另一場韋斯咸主場撼屈福特，屈福特雖然上仗漂亮反勝般尼，但作客戰鬥力曳好多，今戰難再創奇迹。「錘仔幫」隊長路蘭大勇，可輕取對手，熱捧主Ｗ。