巴甲內訌山度士全力搶攻

猪拉多纳

07/03/2012
文： 力奇

自由盃聽朝有場A組重量級大戰，兩隊前度盟主山度士同國際體育會合演巴甲內訌。首戰輸波嘅山度士為保出線機會不容有失，挾住州聯7連勝氣勢，喺主場強陣出擊唔難贏波，1.82倍主勝抵捧！（開賽時間：周四早上6:45）


州聯賽7連勝唔怕國體會


A組展開前個個都以為係巴甲雙雄天下，點知來自玻利維亞嘅強者反而兩戰全勝排緊頭位，佢哋嘅手下敗將山度士就未有分落袋，唔想提早畢業，山度士今仗自然係非勝不可，主帥拉美奴話明今仗會沿用上周日挫勁旅哥連泰斯嘅原班陣容出擊，除咗有兩大新星尼馬（圖左）同甘素外，首席射手波捷斯就算當日勇戰頭部受傷縫完4針，今鋪都會紮住上照落場，鬥志自然最有保證。




國體會呢邊有3分喺手，主帥杜利華爾雖然話對住山度士打守勢波一定蝕底，不過有巴西傳媒睇過佢哋近日練波，都係演練緊防守陣式，似乎爭取攞1分先係佢哋目標。咪話力奇潑佢哋冷水，正所謂久守必失，為求和最後搞到輸埋有乜出奇？今仗佢哋仲要有前鋒達高巴圖同中場汀加因傷缺陣，睇怕都係輸少當贏格局啦！




自由盃A組


自由盃及亞冠盃賽制


32支球隊分8組進行雙循環分組賽，每組首、次名躋身16強淘汰賽。