熱捧鯨魚 冷敲紅鑽

猪拉多纳

09/03/2012


今季日職唔知大家認為邊隊最有冠軍相呢？睇番近幾季日職盟主，來來去去都係名古屋鯨魚、柏雷素爾、大阪飛腳、鹿島鹿角、浦和紅鑽，相信今季都係離唔開呢幾隊，鍾意熱門可以捧名古屋鯨魚，另可冷敲分頭唔錯浦和紅鑽。




論近年最穩定嘅日職球隊，名古屋鯨魚可算首屈一指，近四年冠亞季各一次，這有賴教頭史杜高域嘅英明領導，他為球隊注入多元化嘅進攻模式，無論約舒亞堅尼地定玉田圭司，總能交出穩定嘅入球率，加上田中鬪莉王喺後防一夫當關，難怪鯨魚被視為奪標大熱。




如果怕鯨魚分心亞冠盃，不如考慮吓紅鑽，經過上季災難性演出後，今季痛定思痛積極增兵，加入兩名從德甲科隆和英冠李斯特城回流嘅槙野智章及阿部勇樹，並禮聘三箭有料教練柏高域，重整旗鼓或有驚喜。