焦點外援

猪拉多纳

09/03/2012




祖尼奴


巴西老牌前鋒，早於03年已在日本發展，當時効力川崎前鋒，今季轉投鹿島鹿角謀求新突破。祖尼奴可勝任進攻中場及前鋒，腳下功夫純熟，拍住速度一流嘅興梠慎三，鹿角鋒力相信會進一步提升。


梁勇基


生於日本，曾經入讀多間有北韓背景學府。04年加入仙台維加泰，正式投身職業球員生涯，現為北韓國腳。梁勇基球場視野廣闊，常有致命傳送，為仙台陣中最具創造力嘅球員之一，可惜季初養傷。


盧卡斯施維連奴


前法甲雷恩球員，2004至2010年間已於日職比賽，去年重返FC東京亦能交出好表現。盧卡斯施維連奴踢法全面，無論盤扭或替隊友鋪橋搭路都極有功架，新季FC東京仍會倚重呢位老將尋找入球機會。


佐治韋拿


曾經効力西甲球隊貝迪斯，去年加盟柏雷素爾，兼入選日職最佳陣容。佐治韋拿擅長打進攻中場，亦可串演左閘，其強力射門已成為標誌。雖已年過30，卻活力不減，屬柏雷素爾骨幹成員。