|
|
10/03/2012
文： 阿占
今個禮拜鍾意睇波嘅朋友真係Happy，啱啱嘅周中有歐聯、歐霸睇，認真充實。不過有份投X嗰班粉絲就出事喇！「曼巿雙雄」喺歐霸齊齊輸波，其中曼聯仲要喺奧脫福輸畀畢爾包，連走地都輸埋！大家咪失望住！今日不妨信吓小弟，因為近期我愛隊新特蘭今晚主場出擊，對手係利物浦。我撐「讓主」！（有線201及301、廣東體育周六晚11:00直播）
「黑貓」近況唔曳，上場打吡戰對住紐卡素一啲都唔輸蝕，唔係因為施斯隆攞紅牌踢少個，隨時有機會贏埋添！大家都知「黑貓」搏起命上嚟，唔係人咁品，其中今季主場對強隊嘅成績就更加畀到人有信心，先後殺敗阿仙奴同曼城，所以今日對住「紅軍」，絕對有權頂得住！
紅軍寧留力爭足總盃
況且，小弟相信利物浦都係集中火力喺本土盃賽上o架喇！因為隨住佢哋上場聯賽輸畀阿仙奴後，已落後第4位嘅「兵工廠」10分，要爭下屆歐聯資格頗有難度，所以相信杜格利殊會轉移目標去下場迎戰史篤城嘅足總盃之上，今場留力一啲都唔出奇！仲有一點要注意，就係「紅軍」傳出因莫財，大有機會將蘇亞雷斯賣去巴黎聖日耳門，軍心不穩，試問呢場作客點贏先？
頂占筍盤：新特蘭 讓球主勝
|
|
金睛卡
发表于 2012-3-10 08:33
变色卡
显身卡