拉素主Ｗ 幫補食餐好

猪拉多纳

11/03/2012
文： 渡邊年

樂比堅尼同法比加輝暫別《東方波經》，希望佢哋有良好發展。其實渡邊年以前都有個同事轉咗行做飲食，佢開咗一間小店喺砵蘭街近太子地鐵站，專賣京川滬小食，生煎包、小籠包、酸辣粉當然有啦，但最正係一個叫醬骨架嘅東西，香港好少地方有得食。


醬骨架係呢度招牌菜，源於清末民初，據聞係末代皇帝溥儀最喜歡嘅菜式之一，工序繁多，豬骨以蒙古清真醬、麵豉醬醃幾個鐘頭，再燜煮四個鐘，之後再喺啲汁度浸多兩個鐘等佢入味。


食呢度大舊骨梗係落手揸住先滋味，老闆娘好細心，連膠手套都供應埋，擺入口一啜啲肉就甩出嚟，入口肉質軟腍，堅正，呢間京川滬舖頭仲開到凌晨兩點，睇完波消夜，又或者買啲醬骨架返屋企送啤酒睇波都得。

主場食住博洛尼亞

今晚行過買番啲醬骨架同生煎包返屋企，睇拉素對博洛尼亞，呢場睇好拉素，佢哋近況唔錯，而且近五次主場對博洛尼亞贏四次，1.6倍可以幫補吓個醬骨架。（now 633周一凌晨3時45分直播）