巴塞例炒桑坦德

猪拉多纳

11/03/2012
文： 郭球奇

啱啱喺歐聯技驚四座嘅美斯，今晚返到西甲又會向另一個入波紀錄進發，真係隨時又大開殺戒，加上沙維賽前話明要追皇馬，又傳哥迪奧拿即將續約，乘勢作客啱啱炒咗教練嘅桑坦德，球奇極之睇好巴塞可以再次複製往績，捧1.49倍「讓球客勝」！（now632台周一凌晨1:00直播）

桑坦德 Vs 巴塞隆拿

巴塞前鋒美斯近況弗到爆，竟然喺歐聯單場入5球，成為歐聯改制後第一人，喺各項賽事仲累積為「地上最強」射入228球，距離巴塞史上頭號「士哥王」施薩洛迪古斯只差7球，差少少就達到目標，今晚隨時又激起美斯嘅小宇宙。

傳哥帥周中續約士氣大振

雖然巴塞啱啱喺歐聯成功晉級，但中場沙維冇忘記西甲，賽前就承諾嚟緊一定會盡力贏晒所有聯賽，收窄同皇馬嘅積分差距。可能見隊波勢頭好，西班牙《世界體育報》尋日仲爆一直傳想離隊嘅教練哥迪奧拿，最快會喺嚟緊周中同球會續約，話唔定會士氣大振，今場雖然中堅碧基停賽，但佢近排因為拍拖拍到心都散，冇咗佢可能反而係好事。

桑坦德近況曳又易帥

對家桑坦德今季超慘，一直受財困困擾，最近仲因為7場不勝，今季第二度換帥，怒炒教練祖斯干沙利斯，宣布餘下球季改由助教卡斯坦奴同賓尼路斯共同執教，家陣可謂人心惶惶，最慘今晚仲有門將東奴坐波監，加上近6次對巴塞輸晒，有5場仲要輸2球或以上，格食格到咁，今晚唔使輸其他波膽已經執到啦！

桑坦德近6次交手輸晒

日期 戰果


11/10/16 客負巴塞0:3

11/01/23 客負巴塞0:3

10/08/30 主負巴塞0:3

10/02/21 客負巴塞0:4

09/09/22 主負巴塞1:4

09/02/01 主負巴塞1:2