|
|
13/03/2012
文： KIT
歐聯16強次回合繼續廝殺！今晚出場嘅國際米蘭首回合作客只係僅僅輸畀馬賽0:1，佢哋沉咗個幾月，上周聯賽對基爾禾終於及時贏波止血，為今仗歐聯大戰壯行色！國米今晚返到聖西路主場出擊，對住近況曳到爆嘅馬賽，小妹撐佢哋可以反勝晉級，捧1.94倍主勝。（有線62、64、202及204、中央5台周三凌晨3:45直播）
近況沉到爆嘅國米之前連續9場贏唔到，好在近2場終有復甦迹象！前一場主場對卡坦尼亞盡顯鬥志同決心，而上周五聯賽作客2:0贏基爾禾，咁啱就係球會104歲生日，老細莫拉提特意「御駕親征」，教練雲尼亞里賽後更激動到眼濕濕！
國米割禾賀104年會慶
已經連續2場有士哥嘅射手迪亞高米列圖，賽後亦好有信心咁話國米可以喺歐聯贏波晉級，加上中場史奈達近2場表現回勇，國米家陣士氣爆燈，今場又用辛尼迪代替唔多穩陣嘅長友佑都踢閘，絕對信得過！
馬賽自首回合主場小勝國米後，呢輪4場聯賽輸晒兼一球都入唔到，近況差不在話下，最慘係一星期內踢3場作客賽事，舟車勞頓你話點會唔攰？首回合佢哋主場出擊雖然控制戰局，但17射只得4中，最後僅係靠年輕射手阿休完場前攻入一粒先贏波，可想而知佢哋埋門一腳嘅把握力真係差到無朋友！
馬賽近況差埋門曳
馬賽依家喺法甲聯賽榜只係排第8，連法甲「三哥」里爾都輸過畀國米，相信藍黑兵團呢場只要繼續發揮近仗水準，唔難喺90分鐘內KO馬賽反勝晉級，主勝捧得過！
首回合：國客負0:1
KIT推介：國際米蘭（主勝）
有線球彩台主持KIT
電郵：soccer64@cabletv.com.hk
PHONE波熱線：1831 678
「歐聯戰略館」開放時間：周二晚10:30至晚11:45
橫數千軍
國米主場鬥法甲波有優勢
歷來主場11鬥法甲球會得5勝3和3負。
歷來28次在首回合落後，有15次最終能反勝晉級。
馬賽贏首回合冇着數
歷來作客7鬥意甲球會得1勝4和2負。
歷來16次在首回合取勝，僅6次能晉級。
歐聯及中冠盃賽制
歐聯為16強次回合，採兩回合主客制。若兩回合總比數打和，先計作客入球優惠，再和則在次回合90分鐘後加時30分鐘；若雙方在加時取得相同入球數字，客隊將晉級；若互交白卷則射12碼決勝。
中冠盃為8強次回合，賽事採兩回合主客制。若兩回合總比數打和，先計作客入球優惠， 打和的話在次回合90分鐘後加時30分鐘，再和則互射12碼決勝。 |
|
金睛卡
发表于 2012-3-13 11:58
变色卡
显身卡
发表于 2012-3-13 15:33
