地主曼城狂炸士砵亭

猪拉多纳

15/03/2012
文： 蘇豪

歐霸盃十六強次回合賽事，英超富豪球會曼城主場迎戰葡萄牙勁旅士砵亭，曼城作客首回合落後○比一，返主場將會擸齊架生全力反擊，今場格局似足拜仁於歐聯狂數巴素利場波，相信曼城都可大勝士砵亭，要「讓球主勝」！（有線61及201台周五凌晨4時05分直播）

拜仁反勝有辦你睇

曼城首回合作客士砵亭冇啖好食，仲畀辛達奧射死落後○比一，尾段反擊乏力，發揮甚曳，跟手返聯賽作客史雲斯以相同比數落敗，進攻唔多掂，令人擔心球隊陷入低潮。不過，拜仁於歐聯首回合作客巴素利何嘗唔係冇料到，但次回合返主場即時狂勝七粒，曼城主場都好惡，今次有條件翻身，贏唔到七粒，起碼都贏到兩粒啩！


單計主場威力，曼城絕對具備歐洲頂級球隊實力，佢哋今季喺各項賽事主場廿一戰贏十八場，當中十五場淨勝兩球或以上，開出「讓球主勝」比率高，擁有如此硬淨賽績支持，難怪主帥文仙尼首回合落後都定過抬油。曼城上圈於主場以四比○大數另一葡超代表波圖，計級數士砵亭仲低過波圖，今次作客睇怕都係捱打。

士砵亭作客冇貨賣

為盡快收復失地，曼城主帥文仙尼將會搵齊最強進攻武器出擊，三大射手阿古路、迪斯高及巴洛迪利今季士哥都達雙位數字，產量穩定，仲有大衞施華、占士米拿等人後上支援，大可控制戰局喪攻對手。士砵亭近十一場作客只贏一次，連葡超都未踢得掂，今次遠征英倫頂唔到幾耐，曼城有望大勝晉級，1.65倍「讓球主勝」咪嫌少！

好久没做猪