韋根狼隊長反有着數

猪拉多纳

15/03/2012
文： 阿水

阿水喺《太陽波經》個新欄目《幫你睇水》周一首次登場，唔少喺菠菜界嘅老友都輪住打電話嚟，問吓幾時會輪到自己啲威水史登場，想話要喺班老友面前威威。不過，阿水認為近排係敏感時刻，有關江湖中人嘅事都係少講為妙，否則一陣畀老廉請飲咖啡點算？


紅魔搏命搶分唔係講玩


話唔講江湖中事，但搵佢哋講波經自然冇問題。「上海仔」近排紅透半邊天，可惜阿水唔識呢啲大哥，反而「珠海仔」同「南海仔」都係阿水老友，佢哋同班大莊經常喺大陸飲飲食食，收到猛料唔少。問起佢哋今個周末英超點睇，佢哋話英超班魚腩部隊成日聲大大話要搶分，但有實力有人脈，就唔使淪落到今時今日咁，除非到季尾有人肯讓路，否則長反總係有着數。




就好似榜尾雙雄韋根同狼隊，前者近13場聯賽僅得1勝，贏到嘅對手咪又係護級嘅保頓，今個周末對住14位嘅西布朗，人哋點會想畀你拖落水，作客夠膽讓平半，唔係講笑o架！至於狼隊對住啱啱搶番「一哥」位嘅曼聯，「紅魔鬼」又係搏緊命冇數講，據聞唔少艇仔都唔敢接貨，個上盤似乎有啲計喎！

好久没做猪