勝利好「大」喜功

猪拉多纳

16/03/2012
文： Kit

雖然季初大鑼大鼓增兵嘅墨爾本勝利已經冇機會爭踢季後賽，不過今日場澳職喺地頭迎擊威靈頓鳳凰，係佢哋今季最後一次主場作戰，小妹相信班球員會踢番場爭氣波謝幕，撞啱「鳳凰仔」要搶分爭第3，兩隊強陣鬥攻，1.95倍入球大要捧！（有線64及204周五下午5:00直播）




墨爾本勝利今季簽入澳洲前鋒基維爾，同上季踢到曉飛嘅桑蘇拿辛奴，加埋本身在陣嘅艾奇湯臣同靴南迪斯，淨係聽到呢條黃金鋒線，都以為會打遍「澳職」無敵手。




之不過，足球真係唔係1+1等於2咁簡單，「勝利」今季想搵場代表作都難，連換教練最後呢招都用埋，但都全無起色。最初以為佢哋可以同布里斯班獅吼撼吓，點知「撼」到依家連季後賽都無得踢！


鳳凰爭第3目標明確


「勝利」踢埋最後呢兩場就可以放大假，球會亦開始咗球員買賣嘅工作。針對今季防守差嘅問題，36歲中場老將邦度耶克率先被放棄，但同時亦確定簽入黃金海岸聯後衞阿達馬查奧爾，「勝利」總算喺接近散班嘅「黃金聯」度搵到件筍貨返嚟！今日場波係「勝利」今季最後一次喺主場出戰，小妹相信佢哋唔會揸流攤，應該會踢番場好波答謝球迷。




對手威靈頓鳳凰依家暫排澳職第4，殺入季後賽唔成問題，不過如果排名能夠再高一級，咁就可以連續兩場季後賽都喺主場出戰，呢個係好大嘅優勢！再講，呢隊波最近真係踢得幾好，尤其係伊菲爾自從傷愈復出後，近幾場終於踢出最佳狀態，今場面對後防甩漏多多嘅「勝利」，呢位前鋒殺手要入波理應無難度！




既然主隊近10次主場作賽有7次開「大」，客軍亦有目標要搶分爭第3，小妹估計雙方會踢得燦爛，咁支持入球大，睇怕都無錯喇啩！

KIT推介：墨爾本勝利 Vs 威靈頓鳳凰（入球大）

有線球彩台主持KIT

電郵：soccer64@cabletv.com.hk

PHONE波熱線：1831 678

「球盤龍門陣」開放時間：周五晚10:30至11:50