多蒙特食住個細鬥不來梅

猪拉多纳

17/03/2012
文： 車車

本來一直都睇好多蒙特呢隊波，貪佢夠正氣，但係睇上周直播佢哋對住隊奧格斯堡咁都贏唔到，就真係好激氣。成場波攻勢欠奉，唯一可以解釋嘅就係作客囉，反而排第2嘅拜仁似終於醒晒，上場聯賽大炒賀芬咸7比1，歐聯對巴素利又入7粒，「回魂」喇！




就係因為拜仁上場踢得咁好，先至同多蒙特嘅保守表現成強烈對比，兩隊依家只係差5分，今晚多蒙特主場對雲達不來梅，主隊已保持15場不敗，近10場主場只輸過1場，睇番佢哋聯賽主場出戰12場10勝1和1負。反觀雲達不來梅近況同埋作客成績真係一般，但歇冬後聯賽4場作客有3場唔使輸，加上依家排第6，佢哋要力保住張歐霸盃入場券，點都會落力，呢場要半場和波應該無難度。




不過睇完上場多蒙特嘅表現就覺得佢哋唔可以大炒對手，加上近5次雙方對賽都唔多入球，今場我車車睇好半場和兼入球細。（有線61及64台周六晚10時30分直播）




車車




「車車」在1998世界盃至今已成「資深球迷」，2001年起在電台主持年輕人節目，2005年起主持電台足球節目，2010年底加入球彩台，主持《球彩俱樂部》及《球盤龍門陣》，並參與每周足球賽事直播。




phone波熱線：1831 678

電郵：soccer64@cabletv.com.hk

開放時間：「超級星期六」晚上10:00至深夜3:30