夢幻對決 巴塞隆拿Vs皇家馬德里

猪拉多纳

19/03/2012

講到決賽戲碼，點少得皇家馬德里對巴塞隆拿。衞冕嘅巴塞於半準決賽面對AC米蘭，其實兩隊今屆分組賽碰過頭，當時巴塞一勝一和，心理上稍為佔優。之後極有可能遇上車路士，雖然車仔有點跌Watt，但佢哋兇悍踢法，注定係巴塞嘅天敵，勝負難料。相反，皇馬於八強出戰尼科西亞，晉級毫無懸念，去到準決賽很大機會遭逢德甲班霸拜仁，拜仁矢志殺入自己主場舉行嘅歐聯決賽，加上狀態急速冒升，勢做皇馬攔路虎。皇、巴之間嘅恩怨一疋布咁長，若兩軍成功決戰歐洲之巔，就真係經典中嘅經典。