200倍車仔×尼科西亞 繼續創奇迹

猪拉多纳

19/03/2012

唔好以為皇馬今季個勢咁勁就一定晉到級呀！由外圍賽開始，尼科西亞就一直畀人睇死，點知贏完一場又一場，仲搞掂埋里昂歷史性進身8強，士氣鬼咁高，皇馬就算大超班，一旦輕敵都隨時慘遭滑鐵盧！


另邊廂嘅車路士，炒咗保亞斯後，林柏特、泰利、杜奧巴等「老鬼」明顯加多咗兩錢肉緊，仲有慢慢回復信心嘅費托，呢幾場都見佢嘅狀態已經好番好多，齋靠呢幾位仁兄，都足以淘汰賓菲加啦！咪忘記佢哋作為英超喺今屆歐洲賽嘅「遺孤」，更加會爭氣，分分鐘有「餐士」殺入安聯球場o架！