馬賽反彈時機到

猪拉多纳

22/03/2012
文： 阿水

自從網上菠菜流行，家陣班賭仔幾乎24小時都有波賭。不過最難為係一班艇仔莊家，就要全日Stand-by，事關有重飛落嚟，搵地方套戥掟飛都係唔懶得，尤其近排NBA爆出個林書豪，明星效應谷起埋NBA投X額，阿水唔少老友想朝早瞓多幾粒鐘都難。

PSG投資大要攞成績值撐

以前NBA有姚明，家陣就有林書豪，阿水搵班老友收過風，近呢個月但凡有「林瘋」登場，紐約人賽事嘅投X額就會激增3、4倍有多，大部分仲要係一面倒撐佢。不過莊家開盤唔係傻嘅，梗要紐約人蝕多1、2分，據聞莊家呢期都執唔少，個個都想「瘋」繼續吹。


唔似得NBA有明星效應，法甲嗰邊冇星睇，投X額唔高，有時戰果都會正路多啲。今個星期有場尼斯對馬賽，客隊近排演出就衰到貼地，近7戰得1和6負，周中仲要喺法國盃衰埋畀隊丙組仔奎維利。阿水話出面早飛唔少都買落尼斯，諗住追打落水狗，之但係莊家點會死錯人，家陣初盤開馬賽讓波，睇嚟都係時候反彈，上盤有得諗。另外，巴黎聖日耳門對波爾多主隊讓半一，PSG今季投資大，個冠軍志在必得，唔敢玩嘢，今場都撐得過。