梅姆巴給力保頓

猪拉多纳

24/03/2012

經歷梅姆巴暈倒恐怖場面後，保頓將帥收拾心情重返戰場，今晚英超主場決戰護級大敵布力般流浪，主帥奧雲高尼指球員戰意十足，梅姆巴大難不死，保頓必有後福，讓平半蘇豪必捧上盤！（有線302及202台周六晚11時直播）


梅姆巴病情持續好轉，保頓陣營放下心頭大石，重新投入操練備戰，主帥奧雲高尼希望大軍好似梅姆巴咁勇敢作戰，叫隊員將擔心同憂慮轉化成力量，齊為梅姆巴而戰。本來保頓今場優勢唔大，但有「梅姆巴效應」加持，戰鬥力隨時倍升。

布力般獲利回吐

布力般流浪接連於關鍵戰役擊敗狼隊同新特蘭，現時拋離尾三保頓五分，護級形勢大有改善。不過，布力般作客向來唔叻，贏狼隊都係靠對手差，今仗主隊球迷必定異常齊心支持保頓，要喺呢種特殊氣氛下作賽，布力般球員未必可克服難關。