拜仁畀漢諾威大起

猪拉多纳

24/03/2012
文： SAMVO肥叔

德甲班霸拜仁慕尼黑近期勢不可當，成為唔少散戶追捧對象，今輪主場對漢諾威讓到兩球以上，真係離譜，兩班波都有攻力，預期今場會多入波，大盤值得信賴！（有線61及64台周六晚10時30分直播）


拜仁係近期歐洲最弗球隊，接連於聯賽同歐聯大炒對手，表現極具霸氣。由於佢哋個勢好勁，唔少莊家已經進一步調高球隊評級，真係熱上加熱，今場對住漢諾威足足讓兩球、兩球半，個盤太辣喇，根本唔抵玩。大家唔好忘記，拜仁啱啱喺德國盃搏足百二分鐘，嚟緊又要打歐聯，喺聯賽冇必要去得太盡，漢諾威本身都有攻力，預期今場會同對手合演入球騷，大盤係投X首選，下盤亦可留意。


弗賴堡當起要追


同日另一場德甲弗賴堡主場對凱沙羅頓，呢場係正宗護級大戰，凱沙羅頓質素平庸，仲愈踢愈沉，前景麻麻，以現時情況睇，佢哋好大機會降班。相比之下，弗賴堡於主場頗具威力，早前贏過實力分子史浩克04，近期踢起信心，連場贏盤，似有止跌回升之勢，今次主場遇上同級對手預期可持續反彈，讓半球至半一唔算多，一於捧弗賴堡。


英超方面，名牌球隊曼城主場惡氣十足，但作客例牌走樣，今輪作客史篤城讓到半一至一球，個盤又係多咗，絕對信唔過。

肥叔心水

漢諾威 下盤、大

弗賴堡 上盤

保頓 上盤

諾域治 上盤

昆士柏流浪 下盤

馬略卡 下盤、大

羅馬 下盤

史篤城 下盤