羅馬考A回報

猪拉多纳

24/03/2012
文： 巨高

跨國性合作已成為球隊經營方針，就好似意甲球隊羅馬，自從美國老闆迪賓尼迪圖上任之後，為球隊引入好多新思維，一反前會長辛斯傳統式管理。再者，球隊喺商業領域亦有所突破，對曾有過破產經歷嘅羅馬嚟講，必定產生沖喜作用。依家球員睇到光明前景，落場比賽都特別醒神，今晚羅馬北上作客挑戰AC米蘭，「讓球客勝」值得留意。（now 633周日凌晨1時直播）


迪賓尼迪圖係意甲首位外資老闆，作為美國人嘅佢，管理方式同其他球隊好唔同，特別係商業取態方面，羅馬比起其他傳統意甲球隊更為積極。最近羅馬就同美國迪士尼簽署合作協議，暑期將會飛赴當地嘅體育綜合公園進行操練及宣傳。羅馬泊到好碼頭，對於球員必有正面影響。


另一方面，羅馬亦喺興建新球場加快會談進程，需知意甲絕大部分主場都由地區X府持有，比如今晚比賽場地聖西路球場，AC米蘭及國際米蘭要定期交租先可以使用。為免被牽着鼻走，妨礙羅馬往後發展，迪賓尼迪圖正加快興建新球場嘅進程。據外國媒體透露，有關新球場嘅土地運用權限及公共配套設計，已獲得有關當局接納。羅馬好消息可謂一單接一單，球隊上下心情大靚，自然有助球員發揮。

阿里基醜聞困擾AC

AC下周歐聯要火併巴塞隆拿，難免影響到聯賽部署，加上教練阿里基受到桃色醜聞困擾，被媒體篤爆佢搞大女友個肚即走佬，被外界大罵球壇賤Man。阿里基感情上有缺失，誠信自然受動搖，伊巴謙莫域更乘機向阿里基作出攻擊。AC負面消息影響深遠，今場隨時會喺比賽中反映出嚟。