史浩克主W舔利

猪拉多纳

24/03/2012
文： Wendy

聽日選特首橫掂我哋都冇得揀，邊個上場都好，我希望新一屆X府可以再抑壓炒樓風，等我可以早日上車。講真，若果喺依家呢個環境買貴樓，可能辛苦到幾十蚊波仔都冇錢買呀！


趁依家未使供樓，有閒錢投X吓，今晚就一於揀德甲西部打吡史浩克04主場對利華古遜玩吓。雖然叫做第四同第五位對碰，但係兩隊相差成十分o架，利華想爭一張歐聯入場券睇怕都好難，呢場揀番正路主隊勝。（有線61及201台周日凌晨1時30分直播）


史浩克04近況弗爆， 已錄得三連勝，上周大炒凱沙羅頓四比一表現對辦，至今已累積廿個入球嘅首席射手亨特拉爾腳風超順，佢同魯爾二人都可以喺今仗上陣，相信又有「士哥」機會。


除咗佢兩個，近期一定要留意左翼達斯拿，呢位十八歲德國小將進步神速，經常喺左邊有輸送，近兩場比賽亦有助攻，有佢同法芬一左一右送波上去，亨特拉爾想唔入波都難。史浩克主場亦好硬淨，勝出率高達七成七，除非今晚玩蠱惑，否則正常發揮下贏波冇難度。

利華三連敗頹爆

利華同主隊相反，已經三連敗喇！利華近八場作客只贏一場，前一場作客對禾夫斯堡都可以輸二比三，今場點贏呀？陣中冇邊個球員特別有態，就算睇往績近五次作客史浩克不敗都撐唔落啦，呢場簡單要個史浩克主勝。


Wendy推介：史浩克04勝