阿仙奴維拉又開入球騷

猪拉多纳

24/03/2012
文： 查理阿蛋

阿仙奴今晚喺英超迎戰阿士東維拉，「兵工廠」延續聯賽6連勝問題雖不大，但佢哋防線唔掂，齋靠尹佩斯喪攻搭夠，今晚有機會再同維拉駁火，1.59倍「入球大」冇甩拖！（有線201及301、廣東體育周六晚11:00直播）

近6次主場鬥維拉全大

諗番起阿仙奴之前嘅頹勢，近排竟然嚟個大反彈，真係嚇小妹一跳。一班「廠仔」及時醒覺大踢爭氣波，唔經唔覺喺聯賽已經6連勝，極有機會保住歐聯席位。雖然係咁，但阿士東維拉作客成績唔曳，近11戰只係輸過2場，而且只係僅負1球，所以就算「兵工廠」近況幾掂都好，小妹都唔敢捧「讓主」。


阿仙奴咁順，全靠尹佩斯入球停不了，連一班以華美倫為首嘅後衞都掛住入波唔顧防守，搞到近10戰只得2場冇失球，而且佢哋近6次喺酋長球場都同維拉「大」演入球騷，今晚睇怕都係子彈滿「廠」飛架喇！