紐倫堡作客冇有怕

猪拉多纳

25/03/2012
文： 蘇斯黑柴

今晚德甲頭場上演南部打吡，史特加主場迎戰紐倫堡，史特加計實力、近況同排名都較佳，不過今仗陣容嚴重不整，加上對賽往績主場根本冇着數，今仗讓波有暗湧，推介1.88倍紐倫堡「讓球客勝」。


（有線61及201台周日晚9時30分直播）


史特加近4場聯賽3勝1和，狀態出色，近7場聯賽共轟入19球，近期火力僅次於班霸拜仁，不過今仗陣容嚴重不整，尤其進攻方面，歇冬後加盟嘅箭頭伊比斯域累積5面黃牌要停賽，佢喺近6場賽事交出4個入球同4次助攻，已經成為鋒線重心，今季已入7球嘅球隊次席射手岡崎慎司養傷，加上上仗對賀芬咸包辦兩個助攻嘅保拿奴斯亦加入傷兵行列，球隊攻力銳減五成。

史特加痛失雙箭

史特加教練拉巴迪亞一向擅長紙上談兵，佢過去發表嘅足球論文甚至深深打動到現時炙手可熱嘅多蒙特教頭高普，不過做就係另一回事，由於個性固執又唔肯花時間深入研究對手，之前喺利華古遜同漢堡執教都係失敗收場，今季史特加喺歇冬期買到伊比斯域，同夏歷及岡崎慎司組成嘅「三叉戟」擦出火花，終於實踐到拉巴迪亞嘅夢幻進攻藍圖，但係今仗「三叉戟」失去其二，球隊防線又長期不穩，面對打吡惡戰隨時進退失據。


紐倫堡近期兩連敗，但主要原因係教練赫基覺得已搶到足夠分數，所以嘗試棄守轉攻，經過失敗教訓，加上踢打吡戰嘅額外動力，今場作客相信會用番一貫嘅穩守突擊戰術，佢哋較早前接連擊敗科隆、不來梅同慕遜加柏，防線真係好硬淨，門將舒希化表現更出神入化。何況紐倫堡近9次作客平治球場取得5勝2和2負佳績，根本一啲都唔驚史特加，今仗自然更有信心搶分。