英錦決戰車士打菲特秤先

猪拉多纳

25/03/2012
文： 自由恒

繼上月舉行英聯盃終極戰後，溫布萊今晚會上演低組別嘅英格蘭聯賽錦標決賽，甲、乙組球隊難得殺入英格蘭殿堂級比賽場地，絕對係千載難逢。主角之一嘅車士打菲特喺英甲排包尾，降班機會甚高，倒不如全力爭盃補數，對家史雲頓就係英乙「一哥」，升班機會高唱入雲，今晚力求錦上添花，相信雙方都唔會放軟手腳。


史雲頓雖然來自較低級別嘅乙組聯賽，但由於近12戰贏10場，又有名帥迪肯尼奧領軍，賠率熱過英甲包尾大幡車士打菲特係可以理解，不過史雲頓對上3圈都只係撞番啲乙組對手，表現唔多夠說服力，1.95倍W其實一啲都唔值。相反車士打菲特雖然喺英甲排包尾，但查實近5戰只係輸過1仗，對上4圈亦全部擊退甲組對手，上圈兩回合更雙殺奧咸，有力喺90分鐘內唔輸，受讓撐1.78倍「讓球主勝」。（開賽時間：周日晚9:00）

基爾禾又帶起默契和波潮

由於今日起歐洲轉行夏令時間，所以9點鐘亦有多場意甲陪住大家，今季意甲尾3隊已經脫節，導致多場中游對碰變成例行公事，根據不成文慣例，呢類比賽和波比率極高，上周博洛尼亞對基爾禾嘅比賽，就率先開咗場2.7倍和波，今晚基爾禾主場對錫耶納嘅比賽性質亦好類似，和波賠率更熱到2.5倍，值得跟進。（開賽時間：周日晚9:00）


足球重心：車士打菲特（讓球主勝）、基爾禾（和）


馬膽推介：5場H偉龍


今季轉用留前鬥後跑法有意想不到效果，上仗喺谷草一哩後上贏得極之輕鬆，今仗對手似乎更弱，轉戰田草1600米未必唔啱跑。

英錦冠軍賠率：

賽事編號：19

1.車士打菲特 2.45倍

2.史雲頓 1.48倍

賽制

今輪為決賽，於溫布萊球場上演，以一場過分勝負，若法定時間打成平手，需加時作賽，再和則互射12碼分勝負。