曼聯衝冠殺無赦

猪拉多纳

26/03/2012
文： 蘇豪

英超周二凌晨獨腳戲曼聯主場對富咸，「紅魔鬼」去到爭標關鍵時刻全力衝刺，近九場聯賽贏八場，愈踢愈有信心，加上爭標大敵曼城上場失分，「紅魔鬼」肯定更加醒神。球隊近六次主場對富咸全勝，每場最少贏兩粒，乘勇有望再次大勝，熱捧「讓球主勝」！（有線200及300台周二凌晨3時直播）


曼城周日凌晨與史篤城打和一比一，曼聯今晚贏波可領先至三分，難怪費格遜賽前陰陰笑，話曼城文仙尼有排頭痛。


曼聯爭標經驗豐富，費格遜懂得分輕重，深知聯賽先係今季最大目標，歐霸盃出局表面睇落好似有損士氣，實情更加有利部署人手全力爭標。「紅魔鬼」近期聯賽戰績理想，近九戰八勝一和，唯一一場失分係作客車路士於落後三球情況下逼和對手，期間仲先後作客擊敗熱刺同阿仙奴，今次對富咸贏波難度只係一粒星，絕對冇理由失分。

紅魔奪標1.33倍熱爆

曼城失分後，曼聯的奪標賠率已熱至1.33倍，事實上「紅魔鬼」戰至衝刺期愈贏愈易，前仗主場對西布朗睇住食輕鬆贏二比○，上仗作客狼隊大勝五比○，進攻發揮流暢，快翼路爾斯華倫西亞傷愈復出令右路侵略性大增，即使拿尼受傷休戰，路爾斯華倫西亞亦可同艾舒利楊格雙翼齊飛，前線韋碧克同查維亞靴南迪斯輪流上陣保持良好比賽狀態，加上王牌球星朗尼當弗，預期今仗曼聯又會控制大局。

近6次迎戰富咸全勝

富咸仍有守將基謝拉及中場薛維爾受傷休戰，但影響唔大，球隊擁有丹普西及普格恩耶克等危險人物，並非全無入波本錢，射手普格恩耶克早前頻頻士哥，但近兩場演出平淡，令球隊連續兩戰交白卷，今次對曼聯恐捱打。曼聯近六次主場對富咸全勝起碼贏兩粒，一於再捧大勝！

曼聯近10次聯賽 主場對富咸成績

09/04/11 勝2:0

14/03/10 勝3:0

18/02/09 勝3:0

03/12/07 勝2:0

20/08/06 勝5:1

04/02/06 勝4:2

19/03/05 勝1:0

25/10/03 負1:3

22/03/03 勝3:0

19/08/01 勝3:2