韋斯咸衰波唔要德

猪拉多纳

27/03/2012
文： ComboKing

今晚五場英冠不乏好路選擇，其中「衰波」韋斯咸作客彼德堡要讓波，阿King必捧「讓球主勝」。「錘仔幫」韋斯咸人腳雖好，卻每每打唔出水準，近五戰全數打和，狀態明顯唔夠。彼德堡近期主場惡過老虎，接連技術性擊倒黑池同雷丁，今場受讓筍到爆，千祈咪走寶！（周三凌晨２時45分開賽）


數英超「衰波」肯定係利物浦，英冠「錘仔幫」亦係同類，近五場從未贏盤，齋計作客盤路，近五次「讓球主客和」「-1」賽事，更有四次輸盤，絕對係衰波一族。事實上，「錘仔幫」人腳名氣極大，但就同紅軍一樣，落到場球員間毫無化學作用，只能靠球星質素爭勝，近期撞正佢哋死火，近七聯賽僅一勝；而且四日踢兩場作客波，根本冇讓波本錢。彼德堡冇護級壓力，主場輕裝上陣表現理想，近期贏黑池、雷丁都能轟入三球，呢場贏埋唔奇。

樸茅護級餓搶侯城

另一戰樸茨茅夫主場鬥侯城，客軍連輸兩場士氣麻麻，作客讓波擇使。樸茅要成功護級主場必拚，上仗就大數伯明翰四比一，今場受讓當然要捧。水晶宮主場對唐卡士打，客軍三連敗輸到慌，實力、士氣均曳，水晶宮贏得！