蒙特雷衞冕唔赦普馬斯

猪拉多纳

28/03/2012
文： 自由恒

今個周中除咗有歐聯8強激戰之外，中北美洲冠軍盃亦去到4強首回合階段，4支準決賽球隊之中，有3隊來自墨超，剩番嗰隊就係加拿大代表FC多倫多，延續近年中冠盃畀墨西哥球隊玩晒嘅傳統。

拿根亞作客曳難讓多倫多

其實中北美洲冠軍盃同南美自由盃一樣，主場威力係勁到意想不到，就好似來自墨西哥嘅拿根亞，上圈首回合作客不敵美職球隊西雅圖海灣者1:2，但返到主場就大炒6:1，所以今次拿根亞喺4強首回合造訪加拿大嘅FC多倫多，就算墨西哥球隊有幾勁都好，要讓波點都係唔抵買，都係留番次回合先至捧場。（開賽時間：周四早上8:00）


另一場4強首回合係墨西哥內訌，由蒙特雷主場迎戰普馬斯，論喺國內表現，其實大家都係咁高咁大，不過蒙特雷話晒都係上屆中冠盃盟主，近6次主場迎戰普馬斯亦取得5勝1和佳績，上圈更兩回合雙殺墨國宿敵莫雷利亞，表現夠晒說服力。反觀普馬斯上圈雖然於次回合主場大勝名不經傳嘅薩爾瓦多球隊梅塔帕8:0，點知首回合作客竟以1:2落敗，證明客戰都打幾多折扣，今仗正路要1.75倍主W。（開賽時間：周四早上10:00）


足球重心：FC多倫多（讓球主勝）、蒙特雷（勝）


馬膽推介：7場D勁高手


經過季初嘅低潮期後，近期終於回復上季尾嘅水準，上仗做掩護角色都跑到第2，今仗增程1800米應該到佢守好位，楊明綸近期同蔡約翰合作愉快，值得跟進。

中北美洲冠軍盃賽制：

採主客兩回合淘汰制，今輪為4強首回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。