「蝙蝠打吡」捧利雲特

猪拉多纳

01/04/2012
文： 查理阿蛋

西班牙球隊喺今屆歐霸盃表現出色，證明「鬥牛國」聯賽唔係得皇馬、巴塞好睇，今晚西甲就上演一場關乎下屆歐聯席位嘅「巴倫西亞打吡」，利雲特作客華倫西亞。主隊「蝙蝠軍團」場內場外問題多多，遇着回勇嘅「小蝙蝠」利雲特，2.25倍「讓球客勝」穩陣！（now632台周一凌晨0：00直播）


華倫近6戰只係贏過1場咁大把，最近更連輸3場！最慘嘅係班波仲有大把內患，先係上場輸畀薩拉戈薩後班主場球迷全部揮晒白手巾，示意不滿教練艾美利，之後守將阿爾拉米更擅自缺席操練，用行動表達對球隊現況嘅不滿。今場仲有射手蘇爾達杜、兩隻閘佐迪艾巴及般奴沙托停賽，想贏近排止跌回升嘅利雲特，真係幾有難度。

華倫近6戰得1勝

季中陷低潮嘅利雲特重整旗鼓，近6場贏足4場，今場贏埋就追至同華倫同分。正如中場巴卡路所講，受壓一方會係要捍衞排名嘅華倫！前鋒桑法蘭就話暫時將歐聯拋諸腦後，只想同近況大勇嘅沙維托利斯拍住上擊敗死敵，呢場「蝙蝠打吡」利雲特點睇都秤先。