|
|
03/04/2012
文： KIT
歐聯8強次回合爆發生死戰！AC米蘭喺首回合死守0：0悶和巴塞隆拿，今晚作客魯營硬撼「地上最強」，雖然佢哋啱啱喺意甲對卡坦尼亞，有羅賓奴球波明顯過咗白界但球證睇唔到，最終打和1：1有啲唔抵，但今晚小妹就撐巴塞冇甩拖，皆因佢哋個球王美斯喺魯營出擊威力驚人，力捧1.5倍「讓球主勝」！（有線61、64、201及204、中央5台周三凌晨2：45直播）
巴塞喺上周末嘅西甲留晒力都輕取畢爾包，繼續同榜首皇家馬德里保持6分差距，力保爭標希望下球員亦愈踢愈順，首回合作客聖西路佢哋未出真功夫，都已經壓到AC要喺後半場死守，若果唔係美斯班球星射門好似玩玩吓，AC門將艾比亞迪已經有幾次要喺網入面執波啦！
AC柏圖復出靠唔住
今晚次回合巴塞仲有法比加斯復出候命，依家隊波得番艾比度同韋拿兩名長期「十字軍」，強勁陣容配合球王美斯必定冇人擋得住。AC方面，有消息指柏圖可能復出，但佢係咪百分百復原都好難講，加上佢哋今晚可能要繼續起用岩布仙尼，小妹本身就唔多鍾意佢，對佢最深印象亦只有當年訪港畀電視台逼唱生日歌畀自己聽！再加埋尼斯達又要焗住上陣，AC呢班老人兵團真係「贏盡經驗」，但其他方面就乜都輸晒囉！
巴塞驚輸作客入球唔留手
首回合雙方打和0：0，巴塞呢場為求穩陣過關，當然想盡快拉開比數，費事尾段一個唔該畀伊巴謙莫域或羅賓奴偷雞入波，輸作客入球優惠出局就喊都無謂喇！所以呢場巴塞有晒要贏兩球或以上嘅道理，「讓球主勝」絕對值得支持。
橫數千軍
 巴塞歐聯主場14戰不敗
‧近13次入歐聯8強，最後有11次出線。
‧近14場歐聯主場不敗，獲12勝2和。
 AC今屆歐聯作客不勝
‧兩隊交手獲4勝5和5負，今季3度交手未贏過獲2和1負。
‧今屆歐聯作客未贏過，得3和1負。
賽制
採主客兩回合淘汰制，今輪為8強次回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。
KIT推介：巴塞隆拿（讓球主勝）
有線球彩台主持KIT
電郵：soccer64@cabletv.com.hk PHONE波熱線：1831 678
「歐聯戰略館」開放時間：周二晚10：30至11：45 |
|
金睛卡
发表于 2012-4-3 11:14
变色卡
显身卡