獅吼留力澳職益現代

猪拉多纳

04/04/2012
文： Combo King

阿King今次推介亞冠盃三串一，以F組南韓球隊蔚山現代主場對澳洲球隊布里斯班獅吼主勝作為重心，串D組艾加拉法入球大，以及B組伊蒂哈德「讓球主勝」，中咗有6.8倍好和味。


亞冠盃分組賽分成東西亞賽區，希望減少球員舟車勞頓之苦，但亞洲實在太大，好似獅吼今次就要由南半球澳洲，飛去南韓比賽，球員一樣要飽受「飛機河」折磨，而且南北半球氣候分別好大，肯定影響獅吼球員發揮。

艾加拉法做慣大騷

獅吼仲有一個不利因素，就係佢哋正同中岸水手爭緊季後賽總決賽席位，所以獅吼隨時有所保留。南韓球隊一向喺亞冠盃有出色表現，蔚山現代今屆演出亦佳，加上近四次主場取得三勝一和，主W穩陣。


D組卡塔爾球隊艾加拉法主場對伊朗球隊柏斯波利斯，主隊踢法有前冇後，近四仗入九球，但亦失咗十三球，大盤屬不二之選。B組沙特阿拉伯球隊伊蒂哈德主場對阿聯酋球隊賓尼耶斯，伊軍兩戰入七球，實力超班，炒得起賓尼耶斯。