山度士「+1」食得出 對國體會9成不敗

猪拉多纳

04/04/2012
文： 笛子波童

周四早上續演南美自由盃分組賽，國際體育會、山度士於A組上演巴甲內訌。山度士近年長期剋住國體會，而且星級前鋒尼馬今屆於自由盃腳風亦好順，就算作客都不處下風，「讓球主客和」國體會讓一球，波童捧「讓球客勝」。


（有線61及201台周四早上8時50分直播）

尼馬上次三破國體會

目前A組形勢，秘魯祖安奧列治四戰全敗已篤定出局，山度士、國體會及玻利維亞強者將角逐兩個出線席位，暫以九分高踞榜首嘅山度士形勢最好，佢哋只要今場贏波便可肯定晉級；就算打和，最後一輪鬥強者都有主場之利，出線前途依然樂觀。計埋今屆首循環分組賽，山度士近十次鬥國體會取得五勝四和一負，不敗率達九成，未踢心理上已先贏一仗。


國體會四戰得七分暫排小組第二，佢哋如果今場贏波，強者又於周五早上失分，國體會便可宣布提早出線。不過正如剛才所講，國體會近年長期被山度士食住，想贏唔係想像中咁易。


上次分組賽交鋒，山度士憑前鋒尼馬連中三元以三比一勝出，由於尼馬好大機會喺不久將來轉赴歐洲發展，所以特別珍惜每次出戰自由盃機會，話唔定今次又係佢嘅表演時間。