馬體會大破漢諾威金身

猪拉多纳

05/04/2012
文： 麥馬拿仁

漢諾威主場對馬德里體育會，兩隊都攻強守弱，次回合雙方搏錘，唔通冇波入咩！漢軍今季主場惡到暈，係德甲唯一主場不敗之師，今屆歐霸主場開大率逾八成；馬軍近六場歐戰五次開大，咪拗氣，捧大啦。


（有線62及202台周五凌晨3時05分直播）

兩軍數據利大

漢諾威歐戰經驗少，而且又擅攻不擅守，惟有以主攻踢法打天下。首回合作客輸一比二，曼聯棄將馬美迪奧夫多次衝擊馬軍防線，入一球已算少。目前落後一球，漢軍冇得揀必定主攻，近八場主場轟入廿二球，要入波唔難。


馬體會靈魂射手法卡奧，去到歐霸場合特別醒神，上屆帶領波圖勇奪歐霸盃，個人攻入十七球，今屆轉投馬體會亦已入七粒，另一射手阿祖安盧比斯都大勇，目前有五個士哥。馬體會同漢諾威一樣，進攻遠強於防守，近五次歐戰作客四場都有失波，大盤睇落好穩陣。