「天鵝鬥喜鵲」撐紐卡素

猪拉多纳

06/04/2012
文： 笛子波童

英超復活節快車今晚頭炮上演「天鵝鬥喜鵲」，史雲斯主場迎戰紐卡素。史雲斯已經搶夠分數上岸，近期演出開始反覆，相反紐卡素為爭入前四愈戰愈勇，進攻鐵三角柏比斯施斯、丹巴巴亞及賓艾化弗到漏油，作客可保不敗，捧「讓球客勝」。（有線300及200台周五晚11時30分直播）

柏比斯施斯弗到漏

史雲斯今季演出的確令球迷眼前一亮，尤其主場曾擊敗阿仙奴及曼城、打和車路士及熱刺更令人激節讚賞，不過正所謂「花無百日紅」，自從球隊逐漸脫離降班危機，再加上列強已經收起輕敵之心，史雲斯成績似有輕微下滑迹象。球隊近兩場聯賽先後不敵愛華頓及熱刺，對上三場主場亦輸咗兩場，氣勢已經不復季初勇銳。


紐卡素早前經歷一段四場不勝低潮期，但隨着柏比斯施斯狀態復甦，球隊近三場聯賽成功全取九分。呢名塞內加爾國腳對上三場個人射入五球，腳風順到不得了，連帶法國中場賓艾化亦愈踢愈好，加埋今季聯賽已入十六球嘅首席射手丹巴巴亞，攻力令人聞風喪膽。


紐卡素目前和第五位嘅車路士同得五十三分，暫以五分落後三、四位嘅阿仙奴及熱刺，仍大有機會爭取下屆歐聯入場券，相反史雲斯排聯賽榜十一位，真正比上不足、比下有餘，論搶分決心肯定以客軍較佳。