|
|
07/04/2012
文： 法達斯維
今晚英超「黑貓」主場捉「刺客」！換帥如換刀，新特蘭深明此道，自改由奧尼爾領軍後猶如脫胎換骨，光明球場防線穩固，八仗主場聯賽獲六勝，當中僅失五球，對住踏入一二年作客聯賽未贏過嘅熱刺冇有怕，主場有得受讓咁筍，梗係捧新特蘭「讓球主勝」。
（有線300及200台周六晚7時45分直播）
上周法達斯維坐定定睇晒成場曼城三比三和新特蘭，發現客軍面對主攻球隊好有心得，中路屯集重兵防守，其快速反擊非常銳利，三個入波都係由邊路傳中造成，充分發揮球隊潛力。而「阿仙奴製造」施巴斯坦拿臣同賓特拿包辦所有入波，表現sharp醒贏盡掌聲。
熱刺作客「未開年」
老實講，奧尼爾接手後，新特蘭嘅人腳同前任布魯士冇分別，但奧尼爾成功將整隊波糅合提升士氣，證明「黑貓」實力唔錯，只係布帥唔識點用，搞到民怨沸騰招致下堂求去。其中賓特拿近七場入咗四球，表現托弗，奧帥仲話要買斷呢位阿仙奴借將。
相反，自卡比路掛冠，夏利列納被捧成接任英格蘭國家隊主帥大熱後，熱刺成績出現波動，由原本領先阿仙奴十二分，到依家被兵工廠追至同分，明顯係軍心動搖，上仗臨尾先贏史雲斯亦冇乜說服力。另外，踏入一二年後，熱刺五場作客聯賽只錄得二和三負，谷極都谷唔起，看來老列納個心已飛咗去英格蘭國家隊。
新特蘭近年於主場算係食住熱刺，六次出戰只輸一場，1.72倍「讓球主勝」非常抵玩。
新特蘭近四季主場對熱刺往績
球季 戰果 （半場）
10/11 負1：2 （1：1）
09/10 勝3：1 （2：0）
08/09 和1：1 （1：0）
07/08 勝1：0 （0：0） |
|
金睛卡
发表于 2012-4-7 10:56
变色卡
显身卡
楼主