|
|
08/04/2012
文： 阿占
曼城生死戰今晚爆發！由領先曼聯5分到被反超前，曼城依家每場聯賽都不容有失，今晚作客阿仙奴再有差池，唔單止差唔多同冠軍講拜拜，領隊文仙尼帥位亦岌岌可危。曼城依家被逼到埋牆角，一班星級戰將惟有盡地一煲，阿占相信以佢哋超凡實力加無比戰意，今場有力作客贏波，我撐2.7倍客W！（有線200、204及300、廣東體育周日晚11:00直播）
藍月亮擅打硬仗鋤強
喺今個月底主場迎戰曼聯前，曼城已經無本錢再被拋開，今場可以話係佢哋爭標路上最大考驗。好在藍月亮一向擅踢硬仗，唔計季初作客對曼聯嗰場經典大炒，佢哋喺最近4場大戰都先後贏咗阿仙奴、熱刺、利物浦同車路士，可見呢隊波只要打出決心，真係無幾多隊頂得住。
雖然主力前鋒阿古路同囝囝玩電單車騎呢受傷，今場復出亦未必有態，但即使由巴洛迪利擔正依然令人好有信心，無論大家覺得佢有幾癲幾喪，呢位意大利天才往往喺關鍵時刻充當救世主，仲要唔好忘記泰維斯已經重返球隊，以佢嘅卡士，後備上陣隨時都可以扭轉戰局！
阿仙奴新敗打窒條氣
主隊阿仙奴依家要為下屆歐聯資格搶分，早前亦打出一段7連勝強勁走勢，不過上仗輸畀昆士柏流浪後，道氣被打窒，最大問題係王牌前鋒尹佩斯已經連續3場無波入，若果呢位射手跌Watt，廠仔鋒力肯定大打折扣，今仗面對如狼似虎嘅曼城，再輸一場絕對唔奇。
提提大家，今場大戰咁重要，除咗高清直播外，我哋有線當然同時喺 204台送上3D直播啦！
頂占筍盤 曼城（客勝）
「快樂星期天」開放時間：周日晚9:00至周一凌晨1:30
橫數千軍
廠仔連開7場單
最近5次對賽4次開入球細。
連續7場開入球單。
曼城半場旺和波
對上8場得1場冇波入。
近6仗4次半場打和2次落後
|
|
金睛卡
发表于 2012-4-8 10:09
变色卡
显身卡