紐卡素打保大豐收

猪拉多纳

09/04/2012

數近期英超狀態最弗前鋒，首推紐卡素柏比斯施斯，今晚喜鵲主場迎戰需要搶分護級嘅保頓，波童認為1.65倍入球大係投X首選。


（有線304及204台周一晚10時直播）

保頓掛住攻唔識守

紐卡素聯賽四連勝，柏比斯施斯個人獨取七球，表現絕對銳不可當。唔好忘記隊中首席射手丹巴巴亞今季亦已射入十六個聯賽入球，攻力絕對有保證。喜鵲目前跟第五位嘅車仔同得五十六分，為爭來季歐聯入場券一分都不能少，主場出擊戰意更高。


保頓上周末於主場淨吞富咸三蛋，聯賽三連勝走勢告終，對士氣有一定打擊，今次作客東北部唔易應付。從去仗所見，保頓失波後過分急攻，搞到防線出現更多空位招致大敗。


紐卡素除一對箭頭之外，賓艾化、約拿斯古迪利斯都係擅長個人突破嘅球員，一旦保頓先失守隨時崩潰，如果嫌1.48倍主W太熱，不妨捧較好分嘅入球大。