不來梅鬥心爆棚「遜」得過

猪拉多纳

10/04/2012
文： 亨格比利

季尾波最講戰意，雲達不來梅仲要為歐霸盃入場券努力，今晚主場出擊對住跌晒Watt嘅慕遜加柏，無論戰意同鬥心都秤高一線，不來梅讓平半一於捧上盤。（有線61及201周三凌晨2：00直播）

慕遜Hea踢對賽輸蝕

家陣不來梅只落後第5嘅史特加2分，要爭來屆歐霸參賽資格仲有價講。季尾落實離隊嘅門將韋爾斯，賽前話會助球隊以前6衝線作禮物，教練舒哈夫計劃喺本周為佢搞告別派對，士氣高昂，加上前線有比沙路孭飛，照計唔會喺主場失分掃興。


對家慕遜拋甩史特加9分，來屆歐聯參賽資格坐定粒六，難怪呢排踢得咁Hea，最近3場聯賽得1和2負劣績，而且一對中場托賓麥斯同馬菲歷基都養緊傷，對上6次造訪不來梅亦輸咗4場，點睇都係捧不來梅最合理。