阿爾克馬爾川Ｗ

猪拉多纳

11/04/2012
文： ComboKing

上周末因為舉行荷蘭盃決賽關係，第二十九輪荷甲延至本周中上演，阿King睇中今晚直播二、三哥爭標關鍵戰，阿爾克馬爾（AZ）主場對川迪。AZ係今季唯一一支主場不敗球隊，而且主場失球數字亦係全荷甲最少，川迪近年作客AZ輸多贏少，1.85倍主W可作為過關重心。（now 639周四凌晨1時直播）

川迪被AZ食住

阿爾克馬爾今季主場成績優異，十四戰取得十一勝三和，而且防線僅失七球，無論攻守都有穩定水準，佢哋上周中於歐霸盃被華倫西亞淘汰出局，至今差不多有一星期時間回氣，相信可將注意力放回聯賽角逐。川迪作客演出時好時壞，既可大勝燕豪芬六比二，卻又打和護級隊伍海牙，今場絕對唔易啃。川迪近五次作客阿爾克馬爾只得一和四負劣績，今場一於捧主W。

阿積士大盤好「芬」

同日燕豪芬作客鬥華域克，燕豪芬剛捧荷蘭盃士氣高昂，乘着幾支前列隊伍同日對碰，有望贏波拉緊爭標形勢，客W雖熱但勝在穩陣。最後一關揀另一場直播波，海倫芬主場對榜首阿積士，海倫芬欺善怕惡，今季兩鬥燕豪芬、首循環鬥川迪及阿積士都以一比五落敗，阿積士客W或入球大（中位數3.5球）都可一試。（now 639周四凌晨3時直播）