西維爾薩軍大鬥法

猪拉多纳

12/04/2012
文： 法達施維

周中西甲快車來到尾站，壓軸戰由西維爾主場對薩拉戈薩，前者全力爭歐洲賽資格，後者為護級鬥志十足，加上薩軍教頭復仇心切，呢場「大」戰一觸即發。


（周五凌晨4時開賽）

西維爾爭歐霸門券

無獨有偶，雙方都係換帥後逐漸復甦。老實講，西維爾的實力不致於跌落中游，只係之前的教頭領導無方，浪費大批「好材料」，在新帥米高撥亂反正下，一眾攻擊球員尼格度、迪摩奴、雷恩斯、捷西斯拿華斯全部生猛晒，其中迪摩奴已有十個士哥，仲勁過箭頭尼格度同簡路迪。依家西維爾仍有機會奪歐霸席位，主場出擊唔會留手。

薩拉戈薩奮力護級

薩拉戈薩改由占美尼斯領軍後，表現毫不遜色，之前取得三連勝，令呢支包尾大幡爬番上第18位，護級重現一線曙光。其實占美尼斯的執教生涯始於西維爾青年軍，又帶過一隊打過歐聯，因此對西軍上下熟晒路，加上佢對當年被炒仍耿耿於懷，難得重遇舊主，為己為人，占帥必全力爭勝兼復仇。既然兩軍各有目標，呢場激戰難免，入球大非常抵玩。

西甲推介

西維爾 大


馬略卡讓球客勝

馬拉加 讓球客勝